恒指世紀改革備受市場關注，市場原本預期成分股會增至80隻，但結果是遞增至100隻，令部分投資者感到意外，究竟本港市場有冇足夠深度容納100隻成分股？值得留意係，現階段仍未有一個清晰嘅擴容時間表。

恒指公司噚日收市後公布完善恒指諮詢結果，涉及5大改革，包括成分股遞增至最多100隻、上市3個月可納入等，恒指「變天」後係咪更有代表性？對資金嘅吸引力係咪會大增？

「兩會」星期五就會喺北京開幕。國信證券研究部副總裁程嘉偉認為，投資者焦點會重新落喺「兩會」主題上，又預期港股將會回升。

美國10年期債息落返1.5厘樓下，係咪之前太顛，一下子就搶高，還是同地緣政局急升溫有關，因為據外電最新報道，美國空襲敘利亞。

港府28年以嚟首次上調股票印花稅，噚日消息一出即震散港股，恒指一度急瀉逾千點，北水淨沽出更破紀錄。雖然唔少大行話，加印花稅長遠對港股冇乜影響，但短期震盪會有幾大？

近期市場驚債息升、通脹預期升溫會令聯儲局「收水」，睇返反映實際利率嘅美國10年期TIPS孳息率，雖然依家仍然係負0.8厘，但已出現上升趨勢，值得留意係，舊年3月大市急挫時，TIPS RATE都係扯高。

港股嘅科技指數近日顯著調整，可唔可以解讀為資金由較貴嘅股份，換馬至較平嘅股份？例如資源價格上漲就買入呢類股份，又或者舊經濟股、落後股，然後狂掟新經濟股，而隨著開始接種疫苗，就連賭股今朝都大升。

港股進入業績高峰，今個星期有多隻藍籌股派成績表，其中滙豐控股(00005)聽日出業績，市場焦點落喺集團重組進展、會唔會恢復派息，高盛、摩根士丹利估滙控會恢復派末期息10美仙至15美仙，最新美銀亦估派息12美仙

港股近日調整，之前喪炒嘅新經濟股都要唞唞，今日將會有首批疫苗抵港，並會喺短期內開始接種，經濟復甦似乎邁進一大步，新舊經濟股部署應該點調整？

截至2月8日收爐日止，港股通今年净買入金額，已經係舊年一半有多，最得大媽歡心嘅股份包括騰訊控股(00700)、美團(03690)、中國海洋石油(00883)、中國移動(00941)同埋多隻SaaS股。北水今日「開閘」，依家仲跟唔跟得過？